Leikmenn Real Madrid hafa ekki misst trúna þó liðið sé 3-0 undir gegn Arsenal eftir fyrri leik liðanna í 8-liða úrslitum Meistaradeildar Evrópu.
Arsenal kaffærði Evrópumeistarana í London í gær en liðin mætast eftir slétta viku í Madríd. Real Madrid er með svarta beltið í Meistaradeildinni og ljóst að þeir gefast ekki upp.
„Ef eitthvað lið getur snúið þessu við er það Real Madrid. Stuðningsmennirnir verða með okkur,“ sagði Lucas Vasquez til að mynda eftir leik og tók Raul Asencio í sama streng.
„Þetta er ekki búið. Við erum þegar að hugsa um leikinn á Bernabeu,“ sagði hann.
Kylian Mbappe hefur einnig trú. „Við getum auðvitað komið til baka. Við þurfum að hafa trú allt til endiloka.“
Jude Bellingham segir niðurstöðuna hafa geta orðið mun svartari fyrir Real Madrid en raun bar vitni.
„Arsenal-liðið var ótrúlega gott. Þeir hefðu getað skorað mun fleiri og við vorum heppnir að sleppa með þrjú mörk. Við þurfum að kreista fram eitthvað ótrúlegt í seinni leiknum.“
