fbpx
Fimmtudagur 10.júlí 2025
Fréttir

Borgfirðingar vilja losna við gamla heiti staðarins – Þessum sjö þorpum tókst það

Kristinn H. Guðnason
Fimmtudaginn 3. apríl 2025 15:30

Borgarfjörður eystri (eða Bakkagerði). Mynd/Wikipedia/Eysteinn Guðni Guðnason

Ekki missa af Helstu tíðindum dagsins í pósthólfið þitt

Lesa nánar

Á fundi heimastjórnar Borgarfjarðar eystri í dag var rætt um nafngift þéttbýlisins á staðnum. Er það stundum kallað Borgarfjörður eystri en stundum Bakkagerði, sem er eldra heiti.

Árið 1968 var fjallað um það í Hagtíðindum, sem og í Morgunblaðinu, að heiti þorpsins hefði verið breytt úr Bakkagerði í Borgarfjörð eystri. Á sama tíma var heitum nokkurra annarra þorpa breytt, það er Tunguþorpi í Tálknafjörð, Grafarnesi í Grundarfjörð, Kirkjubólsþorpi í Stöðvarfjörð, Þverhamarsþorpi í Breiðdalsvík, Höfn í Bakkafjörð, Búðum í Fáskrúðsfjörð og Búðareyri í Reyðarfjörð.

Þessi gömlu heiti virka framandi í eyrum flestra en einhverra hluta vegna hefur heitið Bakkagerði enn þá loðað við Borgarfjörð eystri. Heimastjórnin bendir til dæmis á að í upplýsingagrunnum Landmælinga Íslands komi heitið Bakkagerði enn víða fyrir. Hafi þetta valdið því ýmist sé talað um Borgarfjörð eystri eða Bakkagerði í rituðu og töluðu máli.

Vegna þessa hefur starfsmanni heimastjórnarinnar verið falið að óska eftir umsögn Örnefnanefndar um mögulega nafnabreytingu þar sem eingöngu verði notast við heitið Borgarfjörður eystra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt