Í morgun var þingfest fyrir Héraðsdómi Reykjavíkur mál sem héraðssaksóknari hefur höfðað gegn þremur mönnum fyrir íkveikju á Tesla-bíl. Mennirnir eru fæddir árið 2005, 2002 og 1998. Þeir bera allir erlend nöfn og íslenska kennitölu.

DV hefur ákæruna undir höndum en samkvæmt frétt RÚV um málið var um að ræða bíl lögreglumanns en íkveikjan átti sér stað við Rekagranda í Reykjavík þann 17. ágúst árið 2023.

Einn maðurinn er ákærður fyrir að reyna að kveikja í bílnum gegn greiðslu að fjárhæði 100 þúsund krónur. Annar maður er ákærður fyrir að skipuleggja brotið og fá áðurnefnda manninn til að kveikja í. Sá þriðji er ákærður fyrir að hafa farið með manni númer tvö á vettvang öðru sinni til að kveikja í bílnum og eyðileggja hann, en tvær tilraunir þurfti til að eyðileggja bílinn.

Lögreglustjórinn á höfuðborgarsviðinu krefst rúmlega hálfrar milljónar króna í bætur vegna skemmdarverksins og Vörður tryggingar sem bætti tjónið krefst rúmlega 2,7 milljóna króna í bætur frá mönnunum.