En bæði Kanada og Mexíkó, og auðvitað Kína, svöruðu honum um hæl með gagnaðgerðum og hugsanlega urðu þær til þess að Trump dró í land, að hluta, fyrir helgi.
Áfengi og sojabaunir urðu þar með vopn í stríðinu við Trump.
Eftir að Trump tilkynnti um tolla á kanadískar vörur tæmdust hillur kanadískra verslana hver af annarri. Þar sem áður stóð bandarískt áfengi var ekkert nema skilti þar sem neytendur eru hvattir til að kaupa kanadískar vörur og vísa var til tollastríðs Trump.
Ekkert vín frá vínekrunum í Kaliforníu, ekkert viskí frá suðurríkjunum og ekkert Bacardi frá Púertó Ríkó. Og enginn bandarískur bjór.
Trump tilkynnti um 25% toll á kanadískar og mexíkóskar vörur á þriðjudag í síðustu viku en strax á fimmtudaginn bakkaði hann með þetta og frestaði gildistöku tollana.
Ekki liggur fyrir hvaða áhrif þessi frestun hefur, hvort Kanadabúar verða áfram að sætta sig við að geta ekki keypt bandarískt áfengi.
Aðgerðir Kanadamanna vekja reiði í Bandaríkjunum og eiga margir erfitt með að sætta sig við þær því útflutningurinn til Kanada skiptir mörg fyrirtæki miklu máli.
Kanadíska ríkisstjórnin svaraði tollum Trump með því að leggja jafn háa tolla á vörur frá Bandaríkjunum. Yfirvöld í Ontario gengu enn lengra og bönnuð alfarið sölu á bandarísku áfengi í ríkinu og í kjölfarið fylgdu öll hin ríki Kanada og bönnuðu einnig sölu á bandarísku áfengi.
Lawson Whiting, forstjóri bandaríska áfengisframleiðandans Brown-Forman, sem framleiðir meðal annars Jack Daniels viskíið, var ekki sáttur við viðbrögð Kanadamanna og sagði þau ekki í neinu samræmi við tolla Trump.
„Þetta er verra en tollur, því það er bókstaflega talað búið að gera út af við söluna á vörunni þinni með því að fjarlægja hana úr hillum verslana,“ sagði hann að sögn Reuters.
Hann sagði einnig að kanadíski markaðurinn sé aðeins eitt prósent af heildarsölu fyrirtækisins og það ráði vel við að missa hann. Hann bætti við að það sé spurning hvað gerist í Mexíkó því markaðurinn þar stendur undir sjö prósentum af heildarsölu fyrirtækisins.
