Donald Trump, Bandaríkjaforseti, hefur fengið alvöru pillu úr óvæntri átt en landi hans Jesse Marsch hefur nú látið í sér heyra.
Marsch er knattspyrnuaðdáendum kunnur en hann var um tíma stjóri Leeds á Englandi og er í dag landsliðsþjálfari Kanada.
Trump hefur talað um það að gera Kanada að fylki í Bandaríkjunum sem mun að öllum líkindum aldrei verða að veruleika.
Marsch segir að hinn umdeildi Trump sé hættulega hrokafullur í sínu tali um Kanada sem hefur lengi verið ein af vinaþjóðum Bandaríkjanna og er samstarfið þar á milli nokkuð gott í dag.
Marsch var steinhissa er hann heyrði Trump láta þessi orð út úr sér opinberlega og hvetur forseta sinn til að láta málið vera og einbeita sér að öðrum verkefnum.
,,Ef ég þarf að senda ein skilaboð á forsetann okkar þá hljóma þau svona: hættu að tala um þessa fáránlegu hugmynd um að gera Kanada að 51. fylki Bandaríkjanna,“ sagði Marsch.
,,Sem Bandaríkjamaður þá skammast ég mín fyrir þennan hroka. Kanada er sjálfstæð og sterk þjóð sem ber að virða.
