Jobe Bellingham, bróðir Jude, er undir smásjá þýsku stórliðana Dortmund og Bayer Leverkusen. The Sun segir frá þessu.

Bellingham er aðeins 19 ára gamall og spilar með Sunderland í ensku B-deildinni. Þar hefur miðjumaðurinn heillað og minnir hann marga á bróður sinn, sem er auðvitað leikmaður Real Madrid.

Jude fór einmitt ungur að árum frá Birmingham til Dortmund og sló þar í gegn. Félagið sér mögulega eitthvað svipað í kortunum með Jobe.

Það þykir þó ólíklegt að hann yfirgefi Sunderland í þessum mánuði. Liðið er í hörkutoppbaráttu í B-deildinni og vill halda sínum bestu mönnum í þeirri von að snúa aftur upp í ensku úrvalsdeildina.