Það er orðið ljóst hvaða lið leika til úrslita í Reykjavíkurmóti karla og kvenna.
Karlamegin mætast erkifjendurnir Valur og KR. Leikurinn fer fram fimmtudaginn 30. janúar klukkan 20:00 í Egilshöll.
Valur vann alla sína leiki í riðlakeppninni en þar mætti liðið Þrótti R., Fram og Fylki. KR hafði betur gegn Fjölni, Víking R. og Leikni R. en tapaði gegn ÍR í sínum riðli.
Kvennamegin mætast Víkingur R. og Stjarnan/Álftanes í úrslitaleiknum. Leikurinn fer fram sunnudaginn 2. febrúar klukkan 18:00 í Egilshöll.
Stjarnan/Álftanes vann alla sína leiki í riðlakeppninni en þar mætti liðið Fylki, KR og Val. Víkingur R. vann einnig alla sína leiki í riðlakeppni en ásamt Víking í riðli voru Fjölnir, Þróttur R og Fram.
Athygli er vakin á því að ef jafnt verður eftir venjulegan leiktíma í leiknum þá verður strax gripið til vítaspyrnukeppni til að knýja fram úrslit.
