Árið 2024 var gert upp í Íþróttavikunni á 433.is á dögunum. Þá mættu Ríkharð Óskar Guðnason og Kristján Óli Sigurðsson í settið til Helga Fannars og Harðar Snævars.

Það var rætt um komandi ár hjá íslenska karlalandsliðinu, en það mun taka þátt í undankeppni HM þar sem andstæðingarnir verða Króatía/Frakkland, Aserbaídjan og Úkraínu.

„Ég held við séum að fara í einhverja veislu ef allir þessir leikmenn eru heilir. Ég man bara ekki eftir því að Íslendingar erlendis hafi verið að gera svona góða hluti í svona stórum liðum,“ sagði Ríkharð, sem er bjartsýnn á að fara á HM í Bandaríkjunum 2026.

„Ég hef sterka tilfinningu fyrir því að þegar við sitjum hér að ári að þá erum við að plana ferð til Bandaríkjanna. Tilfinningin mín segir að með þetta lið, í þessum riðli, með góðan þjálfara, alla heila og góðan strúktúr, Ísland á alveg að geta farið á HM.“

Umræðan um landsliðið í heild er í spilaranum.