Toni Kroos, fyrrum leikmaður Bayern Munchen, leitaði í vínið eftir leik liðsins við Chelsea árið 2012.
Um var að ræða úrslitaleik Meistaradeildarinnar en Bayern tapaði leiknum í vítaspyrnukeppni gegn enska liðinu.
Kroos átti erfitt með sjálfan sig eftir þetta tap og leitaði í áfengið en sem betur fer fyrir hann þá komust þær fréttir ekki á forsíðurnar á þeim tíma.
,,Ég var ekki í mínu besta ástandi þarna en það var ástæða fyrir því. Ég man þegar eiginkona mín kom að mér og sagði einfaldlega að við gætum ekki meira, að nú þyrfti að hringja á lækni,“ sagði Kroos.
,,Ímyndið ykkur ef þetta hefði komist í blöðin á þessu tíma, að ég væri að hringja í lækni því ég drakk of mikið.“
,,Ég þurfti útkomuleið vegna sársaukans. Ég hringdi sjálfur í lækni að lokum því ástandið mátti í raun ekki versna.“
Kroos var mjög sigursæll leikmaður á sínum ferli en hann hefur í dag lagt skóna á hilluna.
