Grétar Snær Gunnarsson, leikmaður FH, er höfuðkúpubrotinn eftir að honum og bróður hans var byrlað og þeir lamdir illa á ferðalagi í Tælandi.

Grétar og bróðir hans, hlaðvarpsstjarnan Andri Geir Gunnarsson, komu heim úr ferðinni fyrir tveimur dögum, sem er seinna en áætlað var vegna þeirra hremminga sem þeir urðu fyrir.

„Ég er að drepast. Já, þetta var svakalegt en nú verð ég að sofa og svona,“ sagði Grétar í samtali við Vísi í dag.

Grétar er sem fyrr segir leikmaður FH og lenti hann einmitt í því í sumar að brjóta þrjú rifbein í leik gegn Vestra í Bestu deildinni.