Troy Deeney segir að það sé vanvirðing við Stoke og Tony Pulis að bera Arsenal saman við félagið er það lék í efstu deild á sínum tíma.
Arsenal er duglegt að skora mörk úr föstum leikatriðum og þá aðallega hornspyrnum – eitthvað sem Pulis og hans menn gerðu mikið af á árum áður.
Undanfarið hefur Arsenal verið líkt við Stoke en Deeney sem er fyrrum leikmaður Watford meðal annars segir að það sé fáránleg samlíking.
,,Ef eitthvað er þá er þetta vanvirðing viðö Tony Pulis. Hann gerði frábæra hluti með miðlungslið Stoke og hélt þeim í ensku úrvalsdeildinni og það var víst bara útaf föstum leikatriðum?“ sagði Deeney.
,,Kannski ættu öll liðin að spila þennan frábæra fótbolta eins og Southampton og fá mikinn skít fyrir að vera á botninum.“
,,Ég var á vellinum á miðvikudaginn. Þetta var ömurlegur leikur og Mikel Arteta og hans menn unnu með tveimur mörkum úr hornspyrnu.“
,,Ég spilaði gegn Stoke liði Pulis og þeir voru langt frá því að vera eins og Arsenal. Bukayo Saka kæmist ekki í þetta Stoke lið.“
,,Það er ekki því hann er ekki nógu góður heldur spilamennska liðsins var allt öðruvísi.“
