Mohamed Salah hefur samþykkt nýjan samning hjá Liverpool og er að fara að skrifa undir ef marka má félaga hans og samlanda, Haytham Farouk.

Salah sem er 32 ára gamall hefur mikið verið í fréttum fyrir þá staðreynd að hann verður samningslaus næsta sumar.

Farouk er fyrrum landsliðsmaður Egyptalands og mjög virtur sérfræðingur hjá beIN Sports.

„Til hamingju með að skrifa undir fyrir þau laun og í þann tíma sem þú vildir,“ skrifar Farouk um málið á X-ið.

„Kóngurinn frá Egyptalandi tekur ákvörðun út frá eigin hagsmunum.“

Ljóst er að ef satt er að Salah hækkar verulega í launum á Anfield en þessi magnaði leikmaður hefur verið í frábæru formi síðustu mánuði.