Stjarnan og Vestri komust í gær að samkomulagi um kaup á Benedikt Warén sem hefur gengið til liðs við Stjörnuna.

Benedikt verður í kjölfarið einn dýrasti leikmaður sögunnar sem íslenskt félag hefur keypt. Samkvæmt heimildum 433.is er kaupverðið vel yfir 10 milljónir króna.

Breiðablik hafði einnig áhuga á Benedikt en félagið var ekki tilbúið að borga slíka upphæð. Breiðablik borgaði rúmar 15 milljónir fyrir Óla Val Ómarsson frá Sirius í Svíþjóð á dögunum.

Ljóst er að peningarnir í íslenskum fótbolta er að aukast til muna og hefur það færst í aukarnar að félög rífi fram væna summu til að kaupa leikmenn.

Benedikt Warén er fæddur árið 2001 og leikur sem kantmaður. Hann hóf feril sinn hjá Val og Breiðabliki en hefur líka leikið með ÍA og Vestra.