Það eru ekki allir sem vita það að fyrrum franski landsliðsmaðurinn Adil Rami er nokkuð duglegur að streyma á Twitch.
Rami hefur lagt skóna á hilluna en hann ræddi við félaga sinn Paul Pogba í beinni útsendingu í gær þar sem framtíð þess síðarnefnda var nefnd.
Pogba er orðaður við endurkomu til heimalandsins, Frakklands, en hann er án félags í dag eftir að hafa yfirgefið Juventus.
Rami vonar að Pogba snúi aftur heim á næsta ári en hann má byrja að spila fótbolta í mars eftir að hafa verið dæmdur í bann fyrir steranotkun.
,,Orðrómarnir segja að þú sért á leið til Marseille? Ef það er rétt þá verð ég virkilega ánægður,“ sagði Rami.
,,Þetta er lið sem vantar aðeins meiri karakter. Ef þetta gerist þá verð ég mættur til Marseille með þrjár, fjórar eða fimm treyjur og fæ þig til að árita þær.“
