Matthias Jaissle þjálfari Al Ahli segir að Ivan Toney þurfi að fá tíma til að finna taktinn sinn í Sádí Arabíu.

Al Ahli borgaði 40 milljónir punda fyrir Toney þegar hann kom frá Brentford í sumar.

Toney hefur skorað fjögur mörk í þrettán leikjum í Sádí sem er talsvert undir þeim væntingum sem eru gerðar til hans.

„Toney er nýr leikmaður, nýr leikmaður þarf oft að takast á við áskoranir. Við munum vinna með honum núna í landsleikjahléi að koma honum betur í takt,“ sagði Jaissle.

Fram kemur í enskum blöðum að Toney elski lífið í Sádí Arabíu, hann fær rúmar 70 milljónir króna í vasa sinn í hverri viku.