Tveir getraunaseðlar fundust með 13 rétta á Enska getraunaseðlinum á laugardaginn og fær hvor þeirra í sinn hlut rúmlega 4 milljónir króna.
Annar seðillinn var í eigu húskerfis Íþróttafélags fatlaðra í Reykjavík. Alls eru 70 þátttakendur í húskerfinu og skiptist vinningurinn á milli þeirra.
Hinn seðillinn var í eigu tippara sem styður íþróttafélagið Stefni á Suðureyri. Hann notaði sparnaðarkerfi S-0-10-128 þar sem hann tvítryggði 10 leiki og kostaði það 1.664 krónur.
