Héraðssaksóknari hefur ákært mann fyrir sérstaklega hættulega líkamsárás með því að hafa aðfaranótt sunnudagsins 9. febrúar árið 2020, á skemmtistað í Reykjavík, kastað glerglasi í andlit manns, með þeim afleiðingum að brotaþolinn hlaut tilfærslu á vinstri hliðartönn.
Er krafist þess að hinn ákærði verði dæmdur til refsingar og greiðslu alls sakarkostnaðar.
Brotaþoli krefst tveggja og hálfrar milljónar króna í skaða- og miskabætur.
Málið verður þingfest fyrir Héraðsdómi Reykjavíkur þann 10. október næstkomandi.
