Chelsea ætlar að blanda sér í enn eitt kapphlaupið um efnilegan leikmann en frá þessu greinir TeamTalk.

Leikmaðurinn sem um ræðir heitir Castello Lukeba og leikur með RB Leipzig í Þýskalandi og er 21 árs gamall.

Varnarmaðurinn hefur vakið mikla athygli fyrir frammistöðu sína hjá Leipzig en hann kom frá Lyon síðasta sumar.

Chelsea hefur reynt við ófáa leikmenn á undanförnum mánuðum og er víst til í að borga allt að 60 milljónir punda fyrir Lukeba.

Liverpool sýndi stráknum áhuga árið 2021 en hann er í dag ofarlega á óskalista Real Madrid.

Leipzig þarf alls ekki að selja Lukeba sem er samningsbundinn félaginu til ársins 2028.