Einn stuðningsmaður Manchester United í enska boltanum var nokkuð hissa af ástandinu á panini samlokunni sem hann keypti sér á Old Trafford í gær.

United gerði þá 1-1 jafntefli gegn Twente í Evrópudeildinni en frammistaða Unted var ömurleg.

Stuðningsmaðurinn sem ætlaði að fá sér panini í kvöldmat hefur líklega átt betri daga því sá sem sá um að grilla samlokunni hefur eitthvað verið utan við sig.

Samlokan var öll brennd og fremur ógirnileg. Fyrir þetta borgaði maðurinn þó 850 krónur og þurfti að sætta sig við það.

„Hvernig var þetta eldað? Í eldfjalli?,“ sagði einn netverji um samlokuna.

Annar taldi að það hefði verið keyrt yfir hana. „Það verður gaman að hlusta á Gary Neville ræða um þetta sem hluta af vandamáli félagsins,“ skrifaði annar.