Marc Andre Ter Stegen, markvörður Barcelona, verður lengi frá vegna meiðsla en hann lék í 5-1 sigri á Villarreal um helgina.

Þjóðverjinn er illa meiddur á hné og verður lengi frá og er möguleiki á að hann spili ekki meira á tímabilinu.

Fyrrum markvörður Börsunga, Claudio Bravo, er tilbúinn að hjálpa sínu gamla liði og taka hanskana af hillunni, 41 árs gamall.

Bravo spilaði með Barcelona frá 2014 til 2016 en hann lagði hanskana á hilluna á árinu eftir dvöl hjá Real Betis.

Barcelona gæti þurft á aðstoð að halda fyrir komandi verkefni og er aldrei að vita að þessi ágæti markvörður fái símtal frá félaginu.

,,Ef Barcelona hringir í mig þá er ég tilbúinn í slaginn,“ sagði Bravo í samtali við Winwin.