Hólmbert Aron Friðjónsson byrjar vel með sínu nýja liði Preussen Munster sem er í annarri deild í Þýskalandi.
Framherjinn stóri og stæðilegi komst á blað í dag er hans menn unnu 3-0 útisigur á Regensburg.
Hólmbert fékk ekki að byrja leikinn en hann kom inná sem varamaður á 56. mínútu er staðan var 0-1.
Íslendingurinn skoraði svo þriðja markIð á 71. mínútu og hjálpaði að gulltryggja fyrsta deildarsigurinn.
Þetta var þriðja mark Hólmberts fyrir Preussen Munster.
