„Til hamingju KA, það er erfitt að gera upp leikinn svona fljótt eftir leik. Hann var skemmtilegur og mikil læti, við reyndum hvað við gátum,“ sagði Arnar Gunnlaugsson á RÚV eftir úrslit bikarsins.
Víkingur tapaði gegn KA 2-0 í dag. Víkingur hafði unnið fjóra bikartitla í röð en náði ekki að klófesta þann fimmta.
„Það er eins og bikarleikir eiga að vera, ég get lítið dæmt um vafaatriðin. Það skiptir engu máli héðan af,“ sagði Arnar en hvað skipti máli í úrslitum leiksins?
„Þetta réðst mögulega af vafaatriðum, falla hingað en ekki þangað. Mér fannst KA leggja líf og sál í verkefnið, við reyndum en þeir fórnuðu sér fyrir hvert einasta skot.“
Arnar segir leikmenn Víkings gott af því að upplifa tapleik. „Það er fínt að finna sársaukann, það er ekki heilbrigt að vinna svona mikið. Nota það sem bensín það sem eftir lifir sumars.“
