Enzo Maresca, stjóri Chelsea, viðurkennir að hann hafi ekki hugmynd um hvenær fyrirliði liðsins, Reece James, snýr aftur á völlinn.
Talið var að stutt væri í endurkomu James en hann fékk ákveðið bakslag á dögunum og verður enn lengur frá.
James hefur glímt við mörg meiðsli á sínum ferli en hann spilaði tíu deildarleiki í fyrra og aðeins 16 leiktíðina fyrir það.
Bakvörðurinn er aðeins 24 ára gamall en ljóst er að einhverjar vikur eru í að hann nái fullum bata.
,,Hann verður aðeins lengur frá. Það mikilvægasta er að leikmenn snúi aftur þegar þeir eru 100 prósent,“ sagði Maresca.
,,Reece er ekki leikfær, við höfum ekki hugmynd um hvenær hann getur spilað. Við og hann höfum verið mjög óheppin.“
