Emmanuel Petit, fyrrum leikmaður Chelsea og Arsenal, hefur skotið á leikmenn Manchester United – frekar en stjóra liðsins, Erik ten Hag.
Ten Hag er talinn vera undir pressu á Old Trafford en staðan er þó ágæt í dag eftir tvo fína sigurleiki í röð.
United byrjaði tímabilið ekki vel en vann Southampton í sínum síðasta deildarleik og valtaði svo yfir Barnsley í deildabikarnum í vikunni.
Ten Hag er yfirleitt kennt um slæmt gengi liðsins en Petit er sannfærður um að þetta sé allt í höndum leikmanna United sem eiga að geta gert mun betur.
,,Ég er ekki sammála allri þessi gagnrýni sem Erik ten Hag hefur fengið. Ég horfi á þessa leikmenn sem hann er með og þeir eru að fela sig á bakvið hann,“ sagði Petit.
,,Ég er alls ekki hrifinn af því. Þetta eru leikmenn með stóran prófíl og þeir eru í felum frekar en að gera sitt fyrir félagið.“
