Ummæli goðsagnarinnar Thierry Henry hafa svo sannarlega vakið athygli en hann talar þar um bandarískan fótbolta.

Henry þekkir það að spila í Bandaríkjunum en hann var hjá New York Red Bulls áður en skórnir fóru á hilluna.

Að mati Frakkans þá er MLS deildin, efsta deild Bandaríkjanna, verri í dag en hún var fyrir mörgum árum síðan.

Það er oft talað um að bandarísk knattspyrna sé á uppleið og gæti tekið yfir einn daginn en Henry sér það alls ekki gerast.

,,Ég spilaði í MLS deildinni, að mínu mati þá voru leikmennirnir á þeim tíma betri en þeir sem spila þar í dag,“ sagði Henry.

Eldri leikmenn eru enn að semja í deildinni en nefna má Lionel Messi, einn besta leikmann sögunnar, sem er nálægt því að leggja skóna á hilluna.