William Saliba neitar því að hann sé besti varnarmaður heims og er ástæðan á bakvið það ansi einföld.
Saliba er varnarmaður Arsenal en hann er talinn vera einn sá besti í heimi eftir tvö gríðarlega góð ár.
Franski landsliðsmaðurinn segist þó þurfa að vinna titla með sínu félagsliði áður en hann talar um sig sem þann besta í heimi.
,,Ég hef verið á réttri leið undanfarin tvö ár, sérstaklega á síðustu leiktíð og kannski er ég á góðri leið með að verða besti varnarmaður heims,“ sagði Saliba.
,,Ég tel að ég sé einn sá besti í dag en til að segja það þá þarf ég að vinna titla. Það vantar upp á það í dag.“
,,Ef þú vinnur titla og ert góður þá geturðu sagt það, ef þú vinnur ekki titil þá geturðu ekki sagt að þú sért besti varnarmaður heims.“
