Chelsea er farið að taka það í sátt að líklega mun Mykhailo Mudryk ekki finna taktinn hjá félaginu. Segir í fréttum í dag að hann gæti farið í janúar.

Þannig segir í fréttum í dag að Marseille hafi áhuga á að kaupa Mudryk.

Mudryk kom til Chelsea fyrir tæpum tveimur árum síðan og kostaði um 100 milljónir punda.

Kantmaðurinn frá Úkraínu hefur átt í stökustu vandræðum með að finna taktinn á Englandi.

Chelsea er með ótrúlega breidd í fremstu víglínu og því kemur það vel til greina að selja Mudryk strax í janúar en líklega fær félagið aðeins lítið brot af kaupverðinu til baka.