Nicolas Jackson var ekki of ánægður með sitt fyrsta tímabil hjá Chelsea þó hann hafi skorað 17 mörk síðasta vetur.
Jackson kom til Chelsea frá Villarreal og er byrjunarliðsmaður í fremstu víglínu í dag – hann er aðeins 23 ára gamall.
Jackson skrifaði nýlega undir framlengingu á sínum samningi við Chelsea sem gildir til ársins 2033.
,,Fyrsta tímabil allra leikmanna sem koma til Chelsea er aldrei auðvelt en ég stóð mig ágætlega. Ég er ekki of ánægður með 17 mörk því ég spilaði meiðslalaus allt tímabilið,“ sagði Jackson.
,,Ég hef staðið mig vel á þessu tímabili og vonandi held ég því striki áfram. Ég er enn að læra, ég læri á hverjum einasta degi.“
,,Það var ekki erfitt að aðlagast hjá félaginu sjálfu því ég gat talað ensku og ég er liðsmaður. Það var auðvelt að tala við alla hjá félaginu og kynnast þeim.“
