Um er að ræða leik í 2. umferð undankeppni Sambansdeildarinnar, en bæði lið féllu úr leik í 1. umferð undankeppni Meistaradeildarinnar í síðustu viku.
„Við þurfum að halda tempóinu háu. Þeir eru auðvitað á undirbúningstímabili og vanir að spila í aðeins meiri hita og á lægra tempói,“ sagði Aron um upplegg Víkings á morgun.
Víkingur hefur ekki unnið í þremur leikjum í röð, en liðið fylgdi eftir tapi í einvíginu gegn Shamrock í Meistaradeildinni með tapi gegn KA í Bestu deildinni. Hvað hefur vantað upp á?
„Skora mörk fyrst og fremst. Að mörgu leyti hafa þetta verið fínt spilaðir leikir hjá okkur samt. Bara stöngin aðeins út. Mér fannst við bara spila vel á móti KA en nýtum ekki færin okkar. Stundum er það bara þannig. Við bara höldum áfram, erum enn á góðu róli með forskot á toppnum, í bikarúrslitum og eigum góðan séns á að komast í riðlakeppni í Evrópu.“
Aron er að stíga upp úr meiðslum og segir stöðuna á sér fína. „Ég er bara allur að koma til. Það styttist í að ég verði 100 prósent.“
En gerir hann ráð fyrir að byrja leikinn á morgun?
„Það er bara undir Arnari (Gunnlaugssyni þjálfara) komið,“ sagði Aron léttur að lokum.
Viðtalið í heild er í spilaranum.
