Breskir fjölmiðlar greindu frá því fyrir stundu að líkamsleifar hefðu fundist sem taldar eru tengjast leitinni að Jay Slater, breskum táningi sem hvarf sporlaust á eyjunni fyrir tæpum mánuði. Fannst líkið í grennd við þorpið Masca. Leit hefur staðið yfir í 29 daga af Slater, sem ferðast til Tenerife ásamt tveimur vinum sínum til að vera viðstaddur NRG-tónleikahátíðina í þrjá daga.

Jay varð viðskila við vini sína en síðast fréttist til hans þar sem hann ætlaði að ganga að Airbnb-gististað sínum, sem var í tíu klukkustunda fjarlægð.

Kemur fram í fréttum af líkfundinum að talið sé afar líklegt að líkið sé af Slater, þó það hafi ekki verið formlega staðfest, en áverkar á líkinu bendi til þess að um slys hafi verið að ræða. Hinn látni hafi sennilega runnið til eða fallið á göngu sinni.