Everton hafnaði þegar í stað tilboði Manchester United í miðvörðinn Jarrad Branthwaite í gærkvöldi.
Í gærkvöldi greindu helstu miðlar ytra að United væri búið að leggja fram nýtt og betra tilboð í Branthwaite. Everton hafnaði 35 milljóna punda tilboði United samstundis á dögunum og er talið að félagið vilji tvöfalt meira fyrir þennan afar öfluga 22 ára gamla leikmann.
Nýtt tilboð United hljóðaði upp á 45 milljónir punda auk 5 milljóna punda síðar meir. Vonaðist félagið með þessu til að fá Everton að minnsta kosti að samningaborðinu.
Það gekk hins vegar ekki upp þar sem Everton telur United enn vera langt frá verðmiða sínum.
🚨🔵 Everton have already rejected Man United bid for Jarred Branthwaite on Monday night, as soon as they received it.
£45m plus £5m add-ons considered as proposal far from price tag, as Everton see Branthwaite similar to Gvardiol and more top players. pic.twitter.com/MuTY9fmIO5
— Fabrizio Romano (@FabrizioRomano) July 9, 2024
