Chelsea mun á næstunni fá lagðar inn á sig 5 milljónir punda frá Real Madrid vegna ákvæðis í samningi á milli félaganna. Telegraph fjallar um málið.
Ákvæðið snýr að félagaskiptum Eden Hazard frá Chelsea til Real Madrid 2019. Þar segir að Real Madrid eigi að greiða enska félaginu aukalega fyrir að komast í úrslitaleik á tíma hans þar.
Þó svo að Hazard hafi rift samningi sínum við Real Madrid í október síðastliðinn og rift samningi sínum gilda öll ákvæði enn fram á næsta sumar, er samningur Belgans átti að renna út.
Real Madrid tryggði sig í úrslitaleik Meistaradeildarinnar gegn Dortmund með sigri á Bayern Munchen í undanúrslitum á dögunum.
Sem fyrr segir lagði Hazard skóna á hilluna í október, 32 ára gamall. Dvöl hans hjá Real Madrid var misheppnuð og spiluðu meiðsli stóra rullu. Kappinn var hins vegar frábær fyrir Chelsea.
