„Ekkert sem fer meira í taugarnar á mér en rottur,“ skrifar Samúel Samúelsson formaður knattspyrnudeildar Vestra um George Nunn leikmann HK. Vestri vann HK 1-0 í Bestu deildinni um helgina.
Eiður Aron Sigurbjörnsson leikmaður Vestra fótbrotnaði í leiknum og missir af næstu þremur mánuðum tímabilsins.
Atli Þór Jónasson framherji HK braut þá á Eiði sem var sárþjáður eftir atvikið, Samúel birtir myndskeið af því þegar Nunn labbar svo að varnarmanninum.
Nunn virðist láta þeir einhver vel valin orð falla þegar hann gengur hægt framhjá Eiði. „Bara vanvirðing við fótbrotinn leikmann,“ segir Samúel einnig.
Ljóst er að Vestri mun sakna Eiðs Arons sem hefur í mörg ár verið einn besti varnarmaður íslenska boltans og samdi við nýliðana fyrir tímabilið.
Vestri er með sex stig eftir fjórar umferðir í Bestu deildinni en HK er eitt tveggja liða í deildinni sem hefur ekki enn unnið leik en liðið er með eitt stig og hefur tapað þremur deildarleikjum í röð.
