Kobbie Mainoo, Rasmus Hojlund og Alejandro Garnacho eru einu leikmenn Manchester United sem eru ekki til sölu í sumar. Frá þessu segir Telegraph og The Athletic.

Þar segir að Sir Jim Ratcliffe og hans fólk hafi tekið ákvörðun um þetta, aðra leikmenn sé hægt að kaupa fyrir rétt verð.

Með þessu er þó ekki verið að setja alla leikmenn á sölulista en veglegt tilboð í Marcus Rashford yrði til þess að hann yrði seldur.

Félagið vill fara í algjörar breytingar á leikmannahópi sínum í sumar en Mainoo, Hojlund og Garnacho eru mennirnir sem á að byggja liðið í kringum.

Forráðamenn United hafa verið ósáttir með tímabilið en það er einnig talið líklegt að Erik ten Hag verði rekinn í sumar.

Anthony Martial, Raphael Varane, Brandon Williams, Jadon Sancho, Antony, Mason Greenwood, Victor Lindelof, Christian Eriksen, Donny van de Beek og Casemiro fara líklega allir frá félaginu ef marka má fréttir.