Það er útlit fyrir það að hinn ungi Mateo Messi sé ákveðinn í því að gerast fótboltamaður í framtíðinni.
Flestir þekkja föður leikmannsins unga en það er enginn annar en Lionel Messi, leikmaður Inter Miami.
Messi eldri gerði garðinn frægan með Barcelona en hélt síðar til Paris Saint-Germain og svo til Miami.
Sonur Messi, Mateo, skoraði fimm mörk fyrir krakkalið Miami um helgina og þar á meðal eitt beint úr aukaspyrnu.
Eldri sonur Messi, Thiago, er einnig að reyna fyrir sér í yngri flokkum Miami og hjálpaði U12 liði liðsins að vinna bikar fyrr í mánuðinum.
