Íþróttavikan er á sínum stað þennan föstudaginn líkt og alltaf. Hörður Magnússon og Edda Sif Pálsdóttir fara yfir allt það helsta.
Hörður er einn dáðasti íþróttalýsandi landsins og Edda Sif er ein af stjörnum RÚV þegar kemur að umfjöllun um íþróttir.
Rætt var um Laugardalsvöll og hvað á að gera, tekist er á um hvort eigi að berjast fyrir nýjum velli eða lappa upp á þann gamla.
„Ég myndi vilja sjá nýja staðsetningu, við sníðum okkur stakk eftir vexti. Byggjum 10-11 þúsund manna völl, ríki og borg þurfa að splitta kostnað. Borgið sér um lóð og ríkið með fjármagn,“ segir Hörður.
„Það er hægt að blanda ýmsu inn í þetta, það er hægt að vera með aðra starfsemi. Gera þetta eftir okkar umhverfi, ekki vera í skýjaborgum um það hvort Ed Sheeran geti fyllt 20 þúsund manna völl.“
Edda Sif er farin að verða svartsýn á málið en segir. „Maður er orðinn svo svartsýn, manni líður eins og þetta muni aldrei gerast. Ég hef ferðast töluvert undanfarið, þar eru alls staðar fullkomnir vellir fyrir okkur. Vilborg í Danmörku sem dæmi.“
„Ég skil ekki af hverju við getum ekki gert þetta.“
