Emil Hallfreðsson, fyrrum landsliðsmaður í knattspyrnu ætlar að vera með knattspyrnuskóla á Ítalíu í sumar þar sem 25 aðilar komast að.

Skólinn fer fram við Gardavatn og er ætlaður einstaklingum fæddum 2009 og 2010.

„Ég flýg út og verð með drengjunum allan tímann, innan vallar sem utan og passa að allt fari rétt og vel fram. Með mér verða svo góðir ítalskir þjálfarar sem ég hef kynnst náið við störf mín hér ytra sl.17 ár,“ segir Emil í tilkynningu.

„Ég og teymið mitt munum leggja áherslu á að hafa æfingarnar skemmtilegar en á sama tíma árangursríkar. Við munum fara vel yfir öll grunnatriði leiksins í jákvæðu, uppbyggjandi og öruggu ítölsku umhverfi. Ég vil að strákarnir fái áskoranir við hæfi og upplifi allar þær mögnuðu og jákvæðu tilfinningar sem fótboltinn færir okkur.“

Smelltu hér til að fara á Facebook síðu skólans.

Auk þess að leggja áherslu á fótboltanum verður líka farið í skemmtigarða.

„Að sjálfsögðu verður líka markmannsþjálfari með okkur sem mun kynna nýjar tæknihugmyndir og koma aðra sýn á markmannsstöðuna, en eins og þekkt er eru ítalskir markmannsþjálfarar hátt skrifaðir innan fótboltaheimsins.“

Allar upplýsingar um skólann eru hér að neðan.