Þetta kemur fram í færslu á Telegramrás leyniþjónustu úkraínska hersins. Þar segir að tölvuhermennirnir hafi tekist á hendur sérstaka aðgerð sem beindist að hugbúnaði sem Rússar nota til að breyta drónum svo hægt sé að nota þá í hernaði.
Segja Úkraínumennirnir að Rússar hafi kvartað undan miklum vanda með drónaáætlun sína í kjölfarið. Með aðgerð sinni tókst Úkraínumönnum að koma í veg fyrir að Rússar geti notað stjórnkerfi drónanna og einnig komu þeir í veg fyrir að þeir geti breytt stjórnkerfinu, tekið upp myndbönd eða stýrt drónunum með stjórnkerfinu.
Sky News segir að Rússar hafi ekki tjáð sig um þessar meintu tölvuárásir.
Drónar hafa gegnt mikilvægu hlutverki hjá báðum stríðsaðilum sem nota þá sem ódýra lausn til að ráðast á hvor annan og til njósna.
