Það eru einhverjir knattspyrnuaðdáendur sem kannast við nafnið Dario Silva en hann er fyrrum landsliðsmaður Úrúgvæ.

Silva er 46 ára gamall í dag en hann lagði skóna á hilluna árið 2006 eftir dvöl hjá Portsmouth.

Hann er þó þekktastur fyrir tíma sinn hjá Malaga á Spáni þar sem hann skoraði 36 deildarmörk í 100 leikjum frá 1999 til 2003.

Silva lék einnig með liðum eins og Sevilla og Cagliari og á þá að baki 49 landsleiki fyrir Úrúgvæ.

Silva neyddist til að leggja skóna á hilluna árið 2006 en hann missti þá fót í hræðilegu bílslysi.

Hann opnaði sig í viðtali á dögunum en Silva starfar í dag sem þjónn á veitingastað. Hann hefur tapað öllu því sem hann þénaði á ferlinum.

,,Mínir peningar úr fótboltanum? Þeir sem sáu um mín mál rændu mig,“ sagði Silva í sjónvarpsþættinum Jugones.

,,Þeir sáu um mín laun og gerðu það sem þeir vildu.“

Silva lék á heimsmeistaramótinu í Brasilíu árið 2002 en hann kennir umboðsmanni sínum algjörlega um það sem fór úrskeiðis.

Hann starfar sem þjónn á pítsastað í Malaga þar sem hann gerði garðinn frægan sem knattspyrnumaður.

Silva var staurblankur áður en hann fékk líflínu á veitingastaðnum og hefur starfað þar undanfarin ár.