Donny van de Beek er á förum frá Manchester United en hann hefur ekki sýnt sínar réttu hliðar síðan hann gekk í raðir félagsins.
Eintracht Frankfurt vill fá Van de Beek í sínar raðir og mun hann líklega fara þangað í janúarglugganum.
Hollendingurinn kostaði Man Utd 35 milljónir punda frá Ajax árið 2020 en hefur aðeins spilað 62 leiki og alls ekki staðist væntingar.
Van de Been hefur aðeins byrjað 23 af þeim leikjum og var lánaður til Everton á síðustu leiktíð.
Samkvæmt Sky í Þýskalandi mun Man Utd tapa verulega á þessum skiptum en Frankfurt mun aðeins borga 8,5 milljónir punda fyrir miðjumanninn.
Man Utd mistókst að selja Van de Beek í sumar og ákvað að lokum að sætta sig við þennan verðmiða sem er meira en þrefalt lægri en félagið borgaði á sínum tíma.
