Þórður Ingason hefur ákveðið að leggja markmannshanskana á hilluna eftir langan og farsælan knattspyrnuferil.
Þórður hóf meistaraflokksferilinn sinn með Fjölni árið 2005 og hefur síðan spilað með KR, BÍ/Bolungarvík og nú síðast með okkur Víkingum seinustu 4 tímabil þar sem hann hefur verið hluti af sögulegri velgengi hjá Víking.
„Það er með miklum söknuði sem við kveðjum Þórð Ingason í dag. Hann hefur ákveðið að leggja skóna á hilluna til þess að eyða meiri tíma með fjölskyldunni. Doddi er búinn að vera risastór partur af velgengi Víkings síðastliðin ár, bæði innan sem og utan vallar. Frábær persóna og frábær markmaður,“ segir Kári Árnason yfirmaður knattspyrnumála í Víkinni.
