Michael Emenalo yfirmaður knattspyrnumála hjá úrvalsdeildinni í Sádí Arabíu er efins um það að hægt sé að fá Mohaemd Salah frá Liverpool í janúar.
Sádarnir lögðu stóru seðlana á borðið í sumar og reyndu að fá Salah frá Liverpool.
Liverpool neitaði að selja Salah en ekki er útilokað að Sádarnir haldi áfram að reyna.
Emenalo segir hins vegar frá því að hann telji það útilokað að Liverpool leyfi honum að fara í janúar en Salah sjálfur virðist hafa áhuga á að skoða tilboð frá Sádí.
Sádarnir vilja sækja Salah enda er hann stærsta nafnið í heimi múslima, þeirri trú sem er iðkuð í Sádí Arabíu.
Búist er við því að Sádarnir láti til skara skríða næsta sumar og að þá sé möguleiki á því að Liverpool sé tilbúið að selja Salah.
