Svo virðist sem móðurástin eigi sér einhver takmörk. Það er að minnsta kosti raunin hjá 75 ára gamalli móður í norður-ítölsku borginni Pavia. Móðirin vann dómsmál gegn tveimur sonum sínum, sem eru 40 og 42 ára gamlir, sem neituðu að yfirgefa heimilið. Niðurstaðan dómsmálsins var sú að móðirin langþreytta fær að vísa sonunum á dyr.
Í dómsskjölum málsins, sem CNN fjallar um, kemur fram að móðirin lýsi sonum sínum sem „sníkjudýrum“. Þeir búi í húsi í hennar eigu án þess að hjálpa til fjárhagslega né sinna heimilisverkum. Þá kemur fram að synirnir séu báðir launamenn en hjálpi þó ekkert til.
Móðirin, sem skildi við föður sonanna fyrir margt löngu, og var orðinn langþreytt á að allur lífeyrir hennar færi í að borga fæði og húsnæði fyrir synina. Hún ákvað því að vísa þeim á dyr en í stað þess að hlýða móður sinni þá réðu synirnir lögfræðing og freistuðu þess að búa áfram hjá móður sinn.
Dómari málsins, Simona Caterbi, hafði hinsvegar samúð með stöðu móðurinnar og úrskurði að henni væri fyllilega heimilt að vísa þessum tveimur stóru börnum (“bamboccioni”) á dyr. Sagði Caterbi að ekkert í lögum segði að fullorðin börn hefðu rétt á því að foreldrar þeirra héldu þeim upp fram í hið óendanlega.
Ítalir yfirgefa yfirleitt foreldrahúsin seint um síðir en að meðtali gerist það um 30 ára aldurinn. Þetta er því ekki í fyrsta sinn sem að slíkt dómsmál vekur athygli í landinu en árið 2020 úrskurði hæstiréttur á Ítalíu að 35 ára karlmaður yrði að sjá um sig sjálfur en hann hafði krafist fjárhagsaðstoðar frá foreldrum sínum því hann næði ekki endum saman með mánaðarlaunum sínum:
