Robert Sanchez, markmaður Chelsea, var gríðarlega vonsvikinn í gær er liðið spilaði við Arsenal í ensku úrvalsdeildinni.
Sanchez gerði slæm mistök í seinni hálfleik sem kostaði mark og lagaði Arsenal stöðuna í 2-1.
Ekki löngu seinna þá voru gestirnir búnir að jafna metin í 2-2 og lauk leiknummeð jafntefli.
Sanchez gaf boltann beint á Declan Rice, leikmann Arsenal, sem skoraði með flottu skoti og Leandro Trossard tryggði svo stigið.
Mauricio Pochettino, stjóri Chelsea, viðurkennir að Sanchez hafi verið miður sín eftir leikinn.
,,Við erum gríðarlega ánægð með Sanchez. Auðvitað er hann mjög vonsvikinn og pirraður yfir þessari ákvörðun en mistök eiga sér stað í fótbolta,“ sagði Pochettino.
,,Þetta var markið sem gaf Arsenal trú. Við getum lesið stöðuna betur og tímasett hlutina betur. Við tökum áhættur á 77. mínútu því þannig er okkar leikstíll en það var möguleiki að taka aðra ákvörðun þarna.“
