Andri Lucas Guðjohnsen er að spila mjög vel þessa dagana en hann er á mála hjá Lyngby.

Lyngby vann sterkan sigur í dönsku úrvalsdeildinni í dag er liðið mætti Hvidovre á útivelli.

Andri Lucas skoraði í síðasta leik Lyngby gegn Nordsjælland en sá leikur endaði með 1-1 jafntefli.

Í dag skoraði framherjinn eina markið til að tryggja 1-0 útisigur á botnliðinu.

Lyngby er með 11 stig eftir fyrstu átta leikina og hefur liðið ekki byrjað eins vel í efstu deild í 20 ár.

Annar Íslendingur komst á blað í Belgíu en Alfreð Finnbogason gerði þá sitt fyrsta mark fyrir Eupen í 3-1 tapi gegn Standard Liege.