En þetta þýðir ekki að gripið verði aftur til sóttvarnaaðgerða á borð við fjarlægðakröfur, grímuskyldu eða ferðatakmarkanir.
Aukningin í smitum er mikið, prósentulega séð, en upphafspunkturinn er ekki hár. Þá er það víðast hvar svo að það ómikronafbrigði, sem ræður ríkjum, er frekar milt þrátt fyrir að vera bráðsmitandi.
En samt sem áður hefur WHO áhyggjur af þróun mála sagði Tedros Adhanom Ghebreyesus, forstjóri WHO, á fréttamannafundi fyrir helgi.
Auk fjölgunar á innlögnum í Evrópu, þá fer dauðsföllum af völdum COVID-19 fjölgandi í Miðausturlöndum og Asíu.
Þróunin hefur orðið til þess að í Þýskalandi er rætt um hvort taka eigi upp kröfur um notkun andlitsgríma á ákveðnum stöðum.
Bandaríska smitsjúkdómastofnunin CDC skýrði frá því að sjúkrahúsinnlögnum af völdum COVID-19 hafi fjölgað um 16% í síðustu viku.
Allt staðfestir þetta eitt: COVID-19 er komið til að vera. Nákvæmlega eins og inflúensan sem kemur alltaf á hverjum vetri. En hversu slæmt ástandið verður í vetur veit WHO ekki alveg. Mörg ríki hafa dregið mjög úr aðgerðum vegna COVID-19 og nú er svo komið að aðeins 43 aðildarríki WHO tilkynna stofnuninni um dauðsföll af völdum COVID-19 og aðeins 20 veita upplýsingar um sjúkrahúsinnlagnir af völdum COVID-19. Gagnagrunnurinn er því orðinn ansi fátæklegur.
