Rússar hafa að mestu gefið upp vonina um að geta unnið hernaðarlegan sigur í stríðinu í Úkraínu. Þeir hafa því dregið sig út úr samstarfinu um kornútflutning og gera nú harðar árásir á skotmörk sem teljast ekki mikilvæg hernaðarlega. Með þessu reyna þeir að hæfa skotmörk sem þrýsta á annan hátt á Úkraínu og alþjóðasamfélagið.

Þetta sagði Christopher Steele, fyrrum liðsmaður bresku leyniþjónustunnar, í samtali við Sky News. „Það sem við sjáum, er í raun árás á frjáls viðskipti. Pútín hefur að markmiði að ráðast á heimsmarkaðinn og hvernig hann virkar. Rússar hafa að mestu gefið upp vonina um að geta sigrað á hernaðarlega sviðinu í hefðbundnum skilningi þess hugtaks,“ sagði hann.

Rússar hafa hert árásir sína á hafnarborgina Odesa og nærliggjandi hafnarborgir/bæi í suðurhluta Úkraínu. Skotmörkin hafa meðal annars verið kornsíló og innviðir á hafnarsvæðunum. Breska varnarmálaráðuneytið segir að það hafi einkennt þessar árásir að þær hafi verið gerðar á grunni lélegra upplýsinga og lítillar getu til að hæfa skotmörkin.

Eins og kom fram í umfjöllun DV fyrr í vikunni þá skutu Rússar hugsanlega sjálfa sig í fótinn með því að draga sig út úr kornsamningnum.

Segir að Rússar hafi hugsanlega skotið sjálfa sig í fótinn