Diletta Leotta sjónvarpskona á Ítalíu og unnusta Loris Karius sem er markvörður Newcastle í dag ræðir hlutina í einlægu viðtali í heimalandinu.

Diletta hefur vakið mikla athygli í sjónvarpi og útlit hennar oftar en ekki til umræðu.

Diletta segir að henni líða illa þegar horft er á hana og þegar byrjað er að syngja um hana á fótboltavöllum.

Hún segir svo frá því í viðtalinu þegar hún var í fyrsta sinn áreitt. Um var að ræða íþróttakennara hennar í grunnskóla. Sá sló í rass hennar og sagði óviðeigandi hluti.

„Ég skildi ekki af hverju hann vildi segja mér þetta, ég bara skildi það ekki,“ sagði Diletta en vildi ekki segja nákvæmlega hvað hann sagði.

„Mér þykir í dag mjög óþægilegt þegar það er verið að horfa á mig, fólk með leiðinda svip. Söngvar á vellinum hafa sem betur fer minnkað en gátu náð til mín,“ segir Diletta sem starfar sem íþróttafréttkona.

Hún á nú von á sínu fyrsta barni en hún og þýski markvörðurinn byrjuðu samband sitt á síðasta ári.