Sumir muna eflaust eftir þeim tíma þegar Pútín virtist lynda vel við vestræna leiðtoga. Hann spjallaði reglulega við Angelu Merkel, kanslara Þýskalands, drakk bjór með Lars Løkke Rasmussen, forsætisráðherra Danmerkur og spjallaði við Barack Obama.
En síðan gerðist eitthvað, það varð einhver breyting á Pútín. Hann varð tortryggin.
Þetta sagði Mark Galeotti, sérfræðingur í rússneskum málefnum, í samtali við B.T. Hann sagði að frá 2011 hafi Pútín í vaxandi mæli séð sjálfan sig í stríði við Vesturlönd. „Hann byrjaði að hugsa: „Þau ætla að ráðast á mig“. Honum finnst að Vesturlönd vilji ná honum og drottna yfir honum og Rússlandi,“ sagði hann.
„Hann hefur ekki alveg rangt fyrir sér en það sem hann sér sem Vesturlönd á móti honum, líkist frekar samsæriskenningu,“ sagði hann.
Eins og svo margir leiðtogar í gegnum tíðina, þá hefur Pútín vaxandi áhyggjur af að einhver eða eitthvað muni ná honum. Á meðan og eftir heimsfaraldurinn einangraði hann sig og hann hefur haldið áfram að halda góðri fjarlægð á milli sín og margra þeirra sem hann hittir.
Margir muna eflaust eftir fundum hans með Emmanuel Macron, Frakklandsforseta, þar sem þeir sátu við sitt hvorn enda mjög langs borðs. Eða myndun frá því fljótlega eftir að innrásin í Úkraínu hófst, þar sem Pútín situr við annan enda langborðs en varnarmálaráðherra hans og yfirmaður heraflans horfa á hann úr góðri fjarlægð.
Galeotti sagði Pútín sé nánast með eins skrifstofur í híbýlum sínum víða um Rússland. Hann sagði einnig að það væri margt annað sem sanni að Pútín taki enga áhættu þegar kemur að öryggi hans sjálfs. „Þegar Pútín ferðast, þá tekur hann allan þann mat, sem hann borðar, með sér. Þegar hann er í veislum, þá skálar hann í kampavíni sem hann tekur með frá Kreml,“ sagði hann.
