Kalvin Phillips er ansi gleymdur hjá Manchester City en hann kom til félagsins frá Leeds síðasta sumar.

Phillips var mikilvægasti leikmaður Leeds um langt skeið og spilaði yfir 200 deildarleiki á átta árum.

Man City ákvað að kaupa enska landsliðsmanninn en hann hefur aðeins spilað 503 mínútur í ensku úrvalsdeildinni á tímabilinu.

Þrátt fyrir það er Phillips sáttur í Manchester og hefur ekki áhuga á að færa sig um set í sumar.

,,Ég kom hingað til að vinna bikara og spila fótbolta. Ég hef ekki gert eins mikið og ég hefði viljað á þessu tímabili,“ sagði Phillips.

,,Á næsta undirbúningstímabili þá reyni ég að mæta til leiks í besta mögulega standi og vonandi get ég spilað hlutverk eins og Ilkay Gundogan og Rodri sem eru mjög mikilvægir og fá alltaf að spila.“

,,Ég hlakka til þess að eyða fimm góðum árum hjá þessu félagi.“